ລາວ-ຫວຽດ­ນາມ ຮັດ​ແໜ້ນ​ການ​ຮ່ວມ​ມື​ວຽກ​ຈັດ​ຕັ້ງ
 

ເພື່ອ​ສືບ­ຕໍ່​ເສີມ​ຂະ­ຫຍາຍ​ມູນເຊື້ອ​ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ພົວ­ພັນ​ຮ່ວມ​ມື​ຮອບດ້ານ ລະ­ຫວ່າງສອງ​ພັກ ສອງລັດ ແລະ ປະ­ຊາ­ຊົນ​ສອງ​ຊາດ ລາວ-ຫວຽດ­ນາມ ໂດຍ​ສະ­ເພາະຄະ­ນະ​ຈັດ​ຕັ້ງ​ສູນ​ກາງ​ພັກປະ­ຊາຊົນ​ປະ­ຕິ­ວັດ​ລາວ ແລະ ພັກ​ກອມມຸຍ​ນິດຫວຽດ­ນາມ ທີ່​ມີ​ມາ​ດົນນານ​ໃຫ້​ໜັກ​ແໜ້ນ ແລະ ເຂັ້ມແຂງ​ຍິ່ງ​ຂຶ້ນ ສະ­ນັ້ນ ສະ­ຫາຍ ຟ່າມ ມິງ ຈິ້ງ ກຳ­ມະ­ການ​ກົມການ­ເມືອງ ເລ­ຂາ­ທິ­ການ​ສູນ​ກາງພັກ ຫົວ­ໜ້າ​ຄະ­ນະ​ຈັດ​ຕັ້ງ​ສູນກາງ​ພັກກອມ​ມຸຍ​ນິດ​ຫວຽດນາມ ພ້ອມຄະ­ນະ ໄດ້​ເດີນ­ທາງມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ລະ­ຫວ່າງ ວັນ​ທີ 28 ສິງ­ຫາ-1 ກັນ­ຍາ 2016.
 

ວັນ​ທີ 29 ສິງ­ຫາ 2016 ທີ່ຫ້ອງ​ວ່າ­ການ​ສູນ​ກາງ​ພັກ ສະຫາຍ ຈັນ​ສີ ໂພ​ສີ­ຄຳ ກຳ­ມະ­ການກົມ​ການ­ເມືອງ​ສູນ​ກາງ​ພັກ ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າຄະ­ນະ​ຈັດ​ຕັ້ງ​ສູນ​ກາງ​ພັກ ພ້ອມຄະ­ນະ ໄດ້​ຮ່ວມ​ພົບ​ປະ​ເຮັດ​ວຽກກັບສະ­ຫາຍ ຟ່າມ ມິງ ຈິ້ງ ພ້ອມຄະ­ນະ ເພື່ອ​ແລກ­ປ່ຽນ​ບົດ­ຮຽນ ແລະ ຕີ​ລາ­ຄາ​ຄືນການ​ຮ່ວມມື​ວຽກ​ງານ​ຈັດ​ຕັ້ງ​ໄລ­ຍະ 5 ປີຜ່ານ​ມາ ໂອ­ກາດ​ນີ້ ສອງ​ຝ່າຍ​ໄດ້ແຈ້ງ​ໃຫ້​ຊາບເຖິງ​ສະ­ພາບ​ພົ້ນເດັ່ນ​ຂອງ​ການ​ພັດ­ທະ­ນາ​ເສດ​ຖະກິດ-ສັງ­ຄົມ ພາຍ​ໃຕ້​ການ​ຊີ້​ນຳ-ນຳ­ພາ​ຂອງພັກ ລັດ­ຖະ­ບານ ກໍ່​ຄືການ​ຮ່ວມ​ມື​ຂົງ­ເຂດ​ວຽກ​ງານຈັດ​ຕັ້ງ​ສອງ​ຝ່າຍ.